Lafzon Ki Jaddugari

Lafzon Ki Jaddugari 

Lafzon Ki Jadugari 

Agar mujh ko Aati 

Tou Tum Aur Woh 

Mere aseer e Mohabbat hote

Gar lafzon APNA asar rakhte tou 

Tum AUR Woh 

Mujhe skikasta deewar Ke 

Saaye tale dafn 

Kar Ke chale na jaate

Yeh kia hua Ke Zindagi 

Mojood hai iss boseeda 

badan mein

Tou aur Woh 

Kuyn chor aaye iss awara thaki

Rooh ko uss jism mein

Yeh jaan aur Jahan hi tou sab se

Barh kar azaab hai 

Suna hai hum jaise benaam log

Uss Jahan mein bhi tole

Parkhe aur imtihaan gah mein

Hisaab denge 

Kuch jism jalaye jayenge

Jo roohrin sokhta hongi 

Unn ko aur garm bhatti mein 

Jalaya jayega....

Kia Kuch gunah 

Zindagi Ke Shuru hone 

Se pehle likh liye jaate Hain

Hisaab kia unn ka inn ka

Sab ka hoga 

To Tum AUR Woh 

Kahan paaye jayenge 

Sood o ziyan ka Mera hisaab 

Kia wahan khola jayega

Tum AUR Woh Meri faryaad par

Uss aag kj bhatti mein 

jalaaye jayenge...!!